امن دے بغیر کوئی وی ملک خوشحال نی رہ سگدا ،انسانیت سانگے کم کرنڑ اساں ساریں دی سانجھی ذمے وری ہے وفاقی وزیر مذہبی امور سردار محمد یوسف دا قومی امن کونسل دی تقریب توں خطاب

اسلام آباد ۔ 29 دسمبر (اے پی پی) وفاقی وزیر مذہبی امور سردار محمد یوسف آکھیا ہے جو موجودہ دوراچ کوئی وی ملک امن دے بغیر خوشحال نی رہ سگدا ۔انسانیت سانگے کم کرنڑ اساں ساریں دی ذمے واری ہے ۔نیت اچ اخلاص ہووے تاں اللہ سئیں دی مدد شامل تھی ویندی ہے ۔قومی امن کونسل توں خطاب کریندے ہوئیں انہاں آکھیا جو پاکستان اچ مسلمان اتے غیر مسلم سارے برابر دے شریک ہن جیں دی جان تے مال دا تحفظ کرنڑ حکومت دی ذمے واری ہے ۔انہاں آکھیا جو 1973دے آئین اچ ایں گالھ دی ضمانت ڈتی گی جو کہیں دے نال وی امتیازی سلوک نہ کیتا ونجے اساں ہک ڈوجھے نال رل تے ملک کوں ترقی دے پاسے گھن ونجنڑاں ہے ۔سردار محمد یوسف آکھیا جو وزارت مذہبی امور وی ملک اچ امن دے قیام سانگے کوشاں ہے ،اساں عوام دے خذمت گار ہوں ۔

مضمون کا ماخذ : جنگل کا بادشاہ

متعلقہ مضامین