د مذهبي چارو وفاقي وزير پير نورالحق قادري د اسلام آباد په حاجي كېمپ كښې د حج مرستيالانو د تربيې وركشاپ ته وېنا

اسلام آباد 23 جون (اے پي پي) د مذهبي چارو وفاقي وزير پير نورالحق قادري وئيلي دي چې مونږ به پوره هڅه كوو چې سږ كال حاجيانو ته غوره اسانيې وركړې شي٬ د سختې ګرمې له امله به حاجيان ستونزو سره مخ كېږي٬ مرستيالان دې خوش اخلاقې سره د حاجيانو خدمت وكړي۔ د اتوار په ورځ د اسلام آباد په حاجي كېمپ كښې د حج مرستيالانو د تربيې وركشاپ ته په خپله وېنا كښې وفاقي وزير ووئيل چې سره د دې چې زمونږ معيشت كمزورې دے٬ پاكستان په حج ادا كولو كښې په دوهم او د عمرې په ادا كولو كښې په وړومبي نمبر دے۔ ده ووئيل چې ستونزې رامېنځ ته كېږي٬ مونږ ته به په الله تعالٰي باور ساتل وي او د صبر او تحمل نه به كار اخستل وي۔ ده ووئيل چې مرستيالان دې د خدمت د جذبې له مخې سعودي ته لاړ شي او هلته دې په روڼ تندي د حاجيانو خدمت وكړي۔ ده ووئيل چې دا د سعادت خبره ده چې الله پاك تاسو د حاجيانو خدمت لپاره منتخب كړئ٬ تاسو د حرمېن شريفېن د ادب او احترام تقاضا ساتلو سره خدمت د عبادت په توګه وكړئ۔

مضمون کا ماخذ : میگا مولا۔

متعلقہ مضامین