اسلام آباد ۔ 16 جنوری (اے پی پی) ??زی?? اعظم عمران خان آکھیے جو عام بندے کوں ریلیف ڈیونڑ موجودہ حکومت دی واحد ترجیح اے ،اوکھے معاشی حالات پاروں عوام کوں ودھ توں ودھ ریلیف ڈتا ونجے ،سارے متعلقہ وزارتاں ڈو ڈینھ دے اندر عوام کوں ریلیف ڈیونڑ کیتے اقدامات دے حوالے نال ??فص??لی رپورٹ پیش کرن ،کھاد دیاں قیمتاں اچ 400تئیں گھٹ کرنڑ کیتے اقدامات تے بی آئی ایس پی دے تحت ماہانہ وظیفے اچ ودھارے دی تجویز کوں حتمی شکل ڈتی ونجے ۔اے گال انہاں خمیس کوں اپنڑی زیر صدارت ضروری چیزاں دیاں قیمتاں تے عام بندے کوں ریلیف پجاونڑ کیتے اقدامات دے حوالے نال اجلاس نال خطاب کریندے ہوئیں آکھی اے ۔اجلاس اچ ??زی??ِ منصوبہ بندی اسد عمر، ??زی??ِفوڈ سکیورٹی مخدوم خسرو بختیار، مشیر تجارت عبدالرزاق داو¿د، مشیر خزانہ ڈاکٹر عبدالحفیظ شیخ، معاون خصوصی اطلاعات ڈاکٹر فردوس عاشق اعوان، معاون خصوصی ندیم افضل چن اتے سابق ??زی??ِ خزانہ شوکت ترین شریک ہن ۔ اجلاس اچ ضروری چیزاں دیاں قیمتان تے موثر کنٹرول تے مہانگ دے خلاف گھٹ آمدنی آلے تے غریب طبقے کوں ریلیف ڈیونڑ دے حوالے نال مختلف تجویزاں تے غور کیتا گیا ۔ ??زی??ِ اعظم اجلاس نال خطاب اچ آکھیا جو حکومت کوں ایں گال دا پتہ اے جو اوکھے ملکی معاشی حالات ،معیشت دی بہتری کیتے اصلاحاتی عمل اچ عوام تے خصوصا گھٹ آمدنی آلے طبقے کیتے مشکلات ہن انہاں آکھیا حکومت دی کوشش اے جو اوکھے حالات دے باوجود عوام کوں ریلیف ڈتا ونجے ۔ ??زی??ِ اعظم آکھیا جو حکومت احساس پروگرام کیتے 190ارب روپے رکھین ۔ انہاں آکھیا صحت انصاف کارڈ دے ذریعے غریب لوکاں دے خانداناں کوں ست لکھ 20ہزار روپے دی انشورنس ڈتی ویندی پئی اے ۔انہاں آکھیا بنیادی ضروری چیزاں دیاں قیمتاں گھٹ کرنڑ کیتے حکومت یوٹیلٹی سٹور کوں ست ارب ڈتن ۔ ??زی??ِ اعظم آکھیا جو ضروری چیزاں دی فراہمی کوں یقینی بنڑاونڑ تے انہاں دیاں قیمتاں تے کنٹرول ، ناجائز منافع خوری اتے ذخیرہ اندوزی روکنڑ کیتے سارے ممکنہ انتظامی اقدامات بروئے کار گھن آئے ویندے پن ،ایں ضمن اچ او صوبائی حکومتاں نال بہوں سارے اجلاس کرچکن ۔انہاں آکھیا جو انہاں اقدامات دے علاوہ عوام کوں ریلیف ڈیونڑ دے علاوہ عوام کوں ریلیف ڈیونڑ کیتے مزید اقدامات دی نشاندہی کیتی ونجے تے ایں سلسلے اچ ٹائم لائنز تے مبنی واضح لائحہ عمل بنڑایا ونجے جیں اچ ساریاں وزارتاں دی ذمے واری دا تعین کیتا ونجے ۔ کساناں اتے خصوصاً چھوٹے کاشتکاراں کوں ریلیف ڈیونڑ کیتے ??زی??ِ اعظم نے مشیر تجارت ??وں ہدایت کیتی جو کھاد دی قیمت اچ چار سو تئیں قیمت گھٹ کرنڑ دے حوالے نال تجویز تے مطلوبہ اقدامات کوں حتمی شکل ڈتی ونجے ۔
