وزیراعظم عمران خان کوں عوامی جمہوریہ چین دی سٹیٹ کونسل دے وزیراعظم لی کی قیانگ دی مبارخ باد ، ڈو پاسے تعلقات کوں مزید مستحکم بنڑاونڑ دے عزم دا اظہار ، وزیراعظم پاکستان کو ں چین دے دورے دی دعوت ڈتی

اسلام آباد ۔ 20 اگست (اے پی پی) عوامی جمہوریہ چین دی سٹیٹ کونسل دے وزیراعظم لی کی قیانگ وزیراعظم عمران خان کوں ٹیلیفون کرتے منصب سنبھالنڑ تے مبارخ ڈتی ۔ وزیراعظم آفس توں جاری بیان دے مطابق چینی وزیراعظم عام انتخابات اچ کامیابی تے نویں حکومت تشکیل ڈیونڑ تے وزیراعظم عمران خان کوں مبارخ ڈتی ۔انہاں آکھیا جو پاکستان تے چین ہر طرح دے حالات اچ ہک ڈوجھے دے یار ہن ۔انہاں وزیرا عظم عمران خان دے نال رل تے پاکستان تے چین وچال ڈو پاسے تعلقات کوں مزید مستحکم بنڑاونڑ دے عزم دا اظہار کیتا ۔انہاں ایں توقع دا اظہار کیتا جو چین پاکستان اقتصادی راہداری مقرر وقت دے اندر مکمل کیتی ونجے ۔انہاں وزیراعظم عمران خان کوں چین دے دورے دے دعوت وی ڈتی ۔وزیراعظم عمران خان چین دے وزیرا عظم ولوں نیک خواہشات تے انہاں دا شکریہ ادا کیتا ۔انہاں آکھیا جو پاکستان تے چین دوست تے مضبوط شراکت دار ہن ۔پاکستان تے چین وچال سٹریٹجک تعاون شراکت داری کوں پاکستان تحریک انصاف دی حکومت دے دوران مزید مضبوط بنڑایا ویسی ۔وزیراعظم عمران خان آکھیا جو او غربت دے خاتمے، انسداد بدعنوانی اتے تعلیم اتے جہے سماجی شعبے اچ اصلاحات دے ھوالے نال چینی تجربے توں فائدہ چاونڑ چاہندن کیوں جو انہاں شعبیں اچ اصلاحات حکومت دی ترجیح اچ شامل ہے۔ وزیراعظم عمران خان چینی وزیراعظم ولوں دورہ چین دی دعوت تے انہاں دا شکریہ ادا کیتا تے آکھیا جو او چین دے اپنڑے پہلے دورے دے بے تابی نال منتظر ہن۔ وزیراعظم چین دے وزیراعظم لی کی قیانگ کوں وی پہلی فرصت اچ دورہ پاکستان دی دعوت ڈتی۔

مضمون کا ماخذ : melhores loterias do Brasil

متعلقہ مضامین