چیئرمین پیمراسلیم بیگ دا ریجنل آفس ملتان دا دورہ

اسلام آباد۔ 19 دسمبر (اے پی پی ) چیئرمین پاکستان ا لیکٹرانک میڈیا ریگولیٹری اتھارٹی (پیمرا) محمد سلیم بیگ پیمرا دے سارے فیلڈ سٹاف کو ں ہدایات ڈتن جو سپریم کورٹ دے احکامات تے من و عن عملدرآمد یقینی بنڑیندے ہوئیںملک توں غیر قانونی انڈین ڈی ٹی ایچ دا پورا خاتمہ کیتا ونجے جیرھا جو نہ صرف اساڈی سماجی ،ثقافتی تے مذہبی اقدار کیتے تباہ کن اے بلکہ اساڈے ملک کیتے وی ضیان اے ۔او پیمرا ریجنل آفس ملتان دے دورے دے موقع تے اجلاس نال خطاب تے وفد نال ملاقات دے دوران گال مہاڑ کریندے پے ہن ۔چیئرمین پیمرا محمد سلیم بیگ کوںریجنل آفس ملتان دے انچارج فقیر افضل معصوم ملتان ریجن دی لائسنسنگ ، قانو ن دے نفاذ، ریکوری اتے بیاں عملی سرگرمیاں تے غیر قانونی انڈین ڈی ٹی ایچ اتے چینل دے خلاف جاری مہم بارے بریفنگ ڈتی ۔چیئرمین پیمرا کوں پیمرا فیلڈ سٹاف دے بئے قانون نافذ کرنڑ آلے اداریں بشمول ایف آئی اے، کسٹم انٹیلی جنس، پولیس اتے رینجرز دے تعاون نال غیر قانونی انڈین ڈی ٹی ایچ اتے چینلز دے خلاف جاری مہم متعلق بریفنگ ڈتی گی۔ انہاں چھاپیں دے دوران وڈی تعداد اچ سامان قبضے اچ گھدا گیا جیں اچ 222 سی لائن ریسیور، 273ایل این بی ،66ڈش انٹینااتے بئے شامل ہن ۔ چیئرمین پیمرا فیلڈ سٹاف دی کاکردگی دی تعریف کریندے ہوئیں انہاں کوں غیر قانونی انڈین ڈی ٹی ایچ ، سی لائن اتے جادو باکس دی خریدو فروخت دے خلاف مہم کوں مزید موثر بنڑاونڑ تے زور ڈتا ایں موقع تے ڈائریکٹر جنرل (آپریشنز) محمد فاروق، جنرل منیجر (آپریشنز) محمد طاہر تے سیکر ٹری اتھارٹی فخرالدین مغل وی انہاں دے رلے ہن ۔

مضمون کا ماخذ : raspadinha آن لائن

متعلقہ مضامین